Ijtimoiy tarmoqlar:
Xivada bayram davom etmoqda

Avval xabar berganimizdek, Urganch – Xiva temir yoʻl yoʻnalishi va “Xiva” temir yoʻl vokzalining tantanali ochilish marosimi koʻtarinki kayfiyatda davom etmoqda.

Shu munosabat bilan tadbir ishtirokchilarining fikrlari bilan qiziqdik.

– Ushbu loyihaning amalga oshirilishi, eng avvalo, yoʻlovchilarga transport xizmati koʻrsatish sifatini oshiradi, – deydi “Oʻzbekiston temir yoʻllari” aksiyadorlik jamiyati vagon kuzatuvchisi Baxtiyorjon Zokirjonov. – Avvallari yoʻlovchilarimiz bir yarim kun deganda poytaxtdan Xivaga yetib kelgan boʻlsa, endilikda 14-16 soatda manziliga eson-omon yetib kelmoqda. Muhimi, poyezd vagonlarida koʻrsatilayotgan xizmatlardan barcha mamnun.

– Toshkentdan Xorazmgacha boʻlgan sayohatimiz juda maroqli boʻldi, – deydi Oʻzbekiston Respublikasida xizmat koʻrsatgan artist Alisher Turdiyev. – Butun yoʻl davomida poyezd ishchi-xizmatchilari bizga juda sifatli servis xizmatlarini koʻrsatishdi. Ayniqsa, tantanali ochilish marosimida jasorat va mardlik siymosi Jaloliddin Manguberdi haqidagi teatrlashtirilgan sahnani tomosha qilib, barchamiz shunday buyuk yurt farzandlari ekanligimizdan yana bir bor iftixor hissini tuydik.

– Oʻtgan yili Xivaga 60 ming sayyoh kelgan boʻlsa, joriy yilda ularning soni ikki barobarga oshdi, – deydi viloyat hokimining turizmni rivojlantirish masalalari boʻyicha oʻrinbosari Timur Davletov. – Joriy yilning shu davriga qadar 110 mingdan ortiq sayyoh tashrif buyurdi. Ayniqsa, temir yoʻlning Xiva shahrigacha yetib kelganligi tarixiy shaharni Buxoro, Samarqand va Toshkent kabi yirik sayyohlik markazlari bilan bevosita bogʻlab turadi. Bu sayyohlar uchun ham koʻplab qulayliklar yaratadi.

e8b41ce1-ae5a-44eb-ab20-e498fc56e2ee.jpg

 

e6676a64-9e7e-42f3-8b6f-323b4bded463.jpg

 

2b0e6937-de2d-4afe-a057-87c43be4b258.jpg

 

b6d009f8-8650-4fff-a89e-a6386898368b.jpg

 

e545ec95-5c13-4827-9040-0e6ae753b76e.jpg

 

1f27ddc6-5326-4a19-a8c7-bda35a0301bf.jpg

 

b94c376e-7b32-4b81-8759-0a902c18a3a3.jpg

 

bd3887e6-3352-41b4-8307-312eae17646b.jpg

 

188d77e5-e0fa-4375-a9a6-c3bd81a4f268.jpg

 

4aa6116b-4d84-49a4-b71e-8a0064b7670a.jpg

 

5d4b2c6a-f818-460e-ae38-2555628410b1.jpg

 

6c20fc59-aa93-4f2a-8ac0-45acf00016d0.jpg

 

7d017469-46e0-4927-9218-d07595532d38.jpg

 

0f1c50a3-67b1-4611-8790-e12fb497e58f.jpg

 

064a82ab-d646-45dd-9db6-f2f988d82862.jpg

 

472c253d-5ce2-44fb-a2f8-c6ce73ed55c4.jpg

 

5922f399-480e-4c56-888e-0164033f6e71.jpg

 

bb5de200-38d0-4691-a460-c4b147fb7a79.jpg

 

f7e0c178-9648-4e0d-a750-cabdd3ff84cc.jpg

A.Musayev, A.Shokirov, F.Abdurasulov (surat), OʻzA

04.12.2018