O'zbekiston 24 telekanali platformasida Vatanimiz mustaqilligining 35 yilligiga bag‘ishlangan “Mustaqillik to‘yi” festivali yuzasidan matbuot anjumani o'tkazildi.Matbuot anjumanida festivalning maqsad va vazifalari, uni hududlarda yuqori saviyada tashkil etish, aholini keng jalb etish hamda loyiha doirasida amalga oshiriladigan ma’naviy-ma’rifiy, madaniy tadbirlar haqida ma’lumot berildi.
Ta’kidlanganidek, “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilayotgan “Mustaqillik to‘yi” festivali iyun–sentabr oylarida Qoraqalpog‘iston Respublikasi, barcha viloyatlar va Toshkent shahrida bo‘lib o‘tadi.
Tadbirda Respublika Ma’naviyat va ma’rifat markazi mutasaddilari, “Ma’rifat” targ‘ibotchilar jamiyati a’zolari, ommaviy axborot vositalari vakillari hamda blogerlar ishtirok etdi.#Mustaqillik35 #Uzb35
