Ayni kunlarda respublikamizdagi harbiy taʼlim muassasalarida Respublika Maʼnaviyat va maʼrifat markazi bilan hamkorlikda chop etilgan “Men ham harbiy boʻlaman” kitob-albomining taqdimotlari boʻlib oʻtmoqda. Ana shunday tadbirlardan biri Qurolli Kuchlar akademiyasida ham tashkil etildi.
Taqdimotda kitob muallifi, akademiya hamda Respublika Maʼnaviyat va maʼrifat markazi rahbariyati vakillari, Yozuvchilar uyushmasi aʼzolari, kursantlar va keng jamoatchilik vakillari ishtirok etdi.
Tadbirda soʻz olganlar mazkur kitobning yaratilish ehtiyoji, ahamiyati, unda qanday maʼlumotlar jamlangani haqida maʼlumotlar berib, fikr-mulohazalar bildirdi. Unga koʻra, mazkur kitobda tarixiy ajdodlar koʻrsatgan jasoratlari yangi vizual tasavvur ulashishi uchun boy tarixiy maʼlumotlar va suratlar jamlangan. Shuningdek, kitobning ushbu nashri harbiy taʼlim muassasalariga bepul tarqatiladi. Kelgusida mazkur kitob umumtaʼlim maktablariga ham tarqatilishi rejalashtirilgan.
Tadbir yakunida taniqli sanʼatkorlar tomonidan ijro etilgan kuy-qoʻshiqlar barchaga bayramona kayfiyat ulashdi.
