Koʻrgazma loyihasiga 30-martgacha tashrif buyurish mumkin.
24-fevral kuni Oʻzbekiston Madaniyat va sanʼatni rivojlantirish jamgʻarmasi Dohada boʻlib oʻtadigan “Design Doha Biyennale-2024”da Crafting Uzbekistan: Tradition in Threads – “Hunarmand Oʻzbekiston: tolalardagi anʼana” koʻrgazma loyihasini taqdim etadi.
Xabarda aytilishicha, namoyish qilinishi rejalashtirilayotgan Oʻzbekistonning betakror ekspozitsiyasi xalq hunarmandchiligining soʻnggi 100 yil ichidagi evolyutsiyasini, yurtimiz anʼanaviy hunarmandchiligining naqadar boyligini aks ettirgan. Koʻrgazmaning eng diqqatga sazovor tarafi harakat payti anʼanaviy gazlamalarimizni eslatuvchi, ranglari oʻzgaruvchan linza koʻrinishidagi oyoq osti sathi hisoblanadi.
“Hunarmand Oʻzbekiston: tolalardagi anʼana” koʻrgazma loyihasiga 30-martga qadar tashrif buyurish mumkin boʻladi”, – deyiladi xabarda
