Bugun Yoshlar ijod saroyida “Yoshlar forumi” doirasida Respublika ma’naviyat va ma’rifat markazi rahbari Otabek Hasanov yoshlar bilan sun’iy intellekt haqida, bu asr mo‘jizasining qulayligi, ijobiy va salbiy taraflari to'g'risida ochiq muloqot o'tkazdi.
Aytish joizki, tadbir oddiy yig‘ilish emas, balki, haqiqiy fikrlar va tashabbuslar, g‘oyalar maydoniga aylandi. Boisi, mazkur uchrashuvda katta qiziqish bilan ishtirok etgan yoshlar Respublika ma’naviyat va ma’rifat markazi rahbariga o‘zlarini qiziqtirgan savollar, o‘ylantirayotgan muammolargina emas, balki istiqboldagi rejalari xususida ham so‘zlab berdilar.
Tadbir yakunida eng yaxshi taklif va savollar mualliflari esdalik sovg‘alari bilan taqdirlandi.
