#Maʼnaviyat_festivali
#AQSh
🇺🇿 O’zbekiston Respublikasi Davlat Mustaqilligining 34 yilligi munosabati bilan “El-yurt umidi” jamg’armasi bilan hamkorlikda AQSHning Ahoya shtatida tahsil olayotgan o’zbekistonlik talabalar bilan uchrashuv tashkil etildi.
Muloqot jarayonida yoshlarga “Buyuklar haqida yuzta dalil" kitobi taqdim etildi. Kitob haqida tushuncha berib o’tish bilan bir qatorda, yoshlarga undan olgan tassurotlarini ijtimoiy tarmoqlarda turli kontentlar ko’rinishda bayon etish tavsiya etildi.
Uchrashuvda “Ma’rifat” targ’ibotchilar jamiyati raisi Baxtiyor Husanov mamlakatimizda yoshlarga berilayotgan e’tibor haqida gapirdi. Yangi O’zbekiston yoshlari dunyoning xohlagan universitetlarida o’qishlari uchun imkoniyatlar yetarliligi, ularning oldiga nufuzli universitetlarda tahsil olib mamlakatimiz rivojiga o’zlarining munosib hissalarini qo’shishdek mas’uliyatli vazifa turganligini ta’kidladi. Shuningdek, vatandoshlar bilan hamkorlikda AQSH da istiqomat qilayotgan o’zbekistonliklar uchun maxsus o'zbek tili darslarini tashkil etish, qadriyatlarni va milliylikni tarannum etuvchi turli madaniy-ma'rifiy ijtimoiy loyihalarni amalga oshirishda faol ishtirok etish zarurligini alohida ta’kidlab o’tdi.
O'zbekiston Respublikasi mustaqilligini 34 yilligi munosabati bilan AQSH da Ma’naviyat festivali doirasida madaniy-ma’rifiy tadbirlar va uchrashuv davom etmoqda.
