* * *
Yolgʻonsiz yashashga imkoni boʻlgan inson – ozod insondir.
* * *
Sevilmaslik baxtsizlik, sevolmaslik esa aniq badbaxtlikdir.
* * *
Maktab bizni usiz ham mavjud boʻlmagan hayotga hozirlaydi.
* * *
Hamma oʻzini oxirigacha taniy olmasdan vafot etadi.
* * *
Baxtiyorlik uchun sabab axtarsangiz, hech qachon baxtli boʻlolmaysiz. Hayotning maʼnosini axtarsangiz, yasholmay qolasiz.
* * *
Taassufki, insonning qalbi unga faqat baxtsizlik keltirgan hodisalarni qismat atashga moyil.
* * *
Ozodlik – imtiyoz emas, masʼuliyatdir.
* * *
Adolatsizlik bilan yo kelishish, yo kurashmoq joiz.
* * *
Kelajakka munosabatdagi eng katta saxovat – butun borligʻingni bugunga bagʻishlamoqdir.
* * *
Ravon yozuvchilarning oʻquvchilari, gʻaliz yozuvchilarning sharhlovchilari koʻp boʻladi.
* * *
Dunyoni oʻzgartirish iddaosi har yangi kelgan naslga xos xarakterdir.
* * *
Insonni inson qiluvchi narsa gapirishi emas, jim turishni uddalay olishidadir.
* * *
Erkin matbuot yaxshi yoki yomon boʻlishi mumkin. Biroq erkin boʻlmagan matbuot aniq yomon.
* * *
Qariyalik – hisdan afsusga oʻtish bosqichidir.
* * *
Insonga umidsizlik qadar umid beruvchi narsa yoʻq.
Rahmat BOBOJON tarjimasi
