Xabaringiz bor, Respublika Ma’naviyat va ma’rifat markazi, Mudofaa vazirligi, O‘zbekiston Yozuvchilar uyushmasi hamkorligida vazirlik tizimidan Vatan himoyasi va el-yurtimiz tinchligi yo‘lida halok bo‘lgan 23 nafar askar va zobitlar haqida “Millat fidoyilari” nomli kitob-albom tayyorlangan edi. Ayni kunlarda hududlarda mazkur kitobning taqdimot tadbirlari bo'lib o'tmoqda. Shunday tadbirlardan biri Namangan viloyati hokimligida o'tkazildi.
2,5 mingga yaqin ishtirokchini qamrab olgan onlayn shaklidagi ushbu taqdimotda hokimlar, ularning o‘ribosarlari, harbiy-ma’muriy sektor rahbarlari, mahalla raislari, oliy ta’lim muassasalari rektorlari, davlat xizmatchilari ishtirok etdi.
So'z olganlar millatimiz mard o'g'lonlarining jasoratini e'tirof etib, ularning qahramonligi, ona Vatanga muhabbati, elga sadoqati har birimizga ibrat ekanini ta'kidlashdi. O'z navbatida mazkur kitob yoshlarda harbiy-vatanparvarlik tuyg‘ularini yanada kuchaytirishga xizmat qilishi aytildi.
