O‘zbekiston Respublikasi Vazirlar Mahkamasining 2025-yil 16-sentabrdagi 589-son qarori — “Umumiy ovqatlanish korxonalarida hosil bo‘ladigan oziq-ovqat chiqindilaridan samarali foydalanish, ularning atrof-muhitga salbiy ta’sirini kamaytirish hamda ortiqcha isrofgarchiliklarning oldini olish chora-tadbirlari to‘g‘risida”gi hujjatning tegishli bandlarini aholiga yetkazish va targ‘ibot-tashviqot ishlarini kuchaytirish maqsadida,
2025-yil 3-noyabr kuni Toshkent viloyati hokimi, viloyat Ma’naviyat va ma’rifat kengashi raisi Z.Mirzayev raisligida yig‘ilish o‘tkazildi.
Unda Respublika Ma’naviyat va ma’rifat markazining Toshkent viloyati bo‘limi, O‘zbekiston mahallalari uyushmasi viloyat boshqarmasi, Toshkent viloyat bosh imom-xatibi, “Nuroniy” jamg‘armasi viloyat bo‘limi hamda Oila va xotin-qizlar boshqarmasi rahbarlari ishtirok etdi.
Yig‘ilishda dabdabali to‘ylar va ortiqcha sarf-xarajatli oilaviy marosimlarni kamaytirish, marosimlarda ixchamlik va maromiylik madaniyatini shakllantirishga qaratilgan “Maromiylik marafoni” uchun 90 kunlik chora-tadbirlar dasturi tasdiqlandi.
