“Bir Vatan, bir el, bir bayroq!” shiori ostida boʻlib oʻtayotgan estafeta dasturi doirasida bayroq bilan yurish marafoni Namangan viloyatining Norin tumanida START oldi.
Norin tumanidagi Qo'shariq mahallasi, Prezidentimiz tashrif buyurgan Yangi Namangan mahallasi va "Farel baliq" korxonasiga “Bayroq estafetasi” avtokarvoni hamda keng jamoatchilik vakillari va faol yoshlar ishtirokida bayroq bilan yurish marafoni bo‘lib o‘tdi.
Uchqo'rg'on tumani "Bayroq estafetasi"ni Norin tumanidan qabul qilib oldi. Viloyat va tuman hokimliklari vakillari, harbiylar, IIB, sportchilar, ma'naviyat targ'ibotchilari, ziyolilar, yoshlar jamoasi va barcha tadbir ishtirokchilari hamrohligida estafeta tuman istirohat bog'ida tashkil etilgan ma'naviy-ma'rifiy, bayram dasturlari bilan davom etdi.
Bayroq estafetasining navbatdagi manzili Uychi tumani bo'ldi. Estafetaning barcha ishtirokchilari hamrohligida "Norin-UGE" kaskadiga tashrif buyurdi va ma'naviy-ma'rifiy dasturlari bilan davom etdi.
