Xabar berganimizdek, “Maromiylik” loyihasi doirasida Andijon hamda Farg'ona viloyatida yalpi yig'ilish hamda seminar-treninglar tashkil etilmoqda.
Farg'onada ham kun davomida alohida sho'balarga bo'lingan holda yoshlarning oila qurishga tayyorgarligi, to'ylarni ixchamlashtirish mavzulariga bag'ishlangan mashg'ulotlar, seminar-treninglar o'tkazildi. Ishtirokchilarga loyiha doirasida qilinayotgan ishlar haqida batafsil ma’lumot berilarkan, jamiyatda ijtimoiy muhitni barqarorlashtirishni eng avvalo insonlar ongidan boshlash zarurligi, har narsada me'yorni saqlash, turli marosimlarni ixcham o'tkazish, mablag'ni ma'rifatga yo'naltirish barcha uchun manfaatli bo'lishi aytildi.
