Kecha Farg'ona viloyati Bag'dod tumanida bir guruh faollar, ziyolilar, yoshlar va harbiy soha vakillari ishtirokida ma'rifiy uchrashuv bo'lib o'tdi. Unda O'zbekiston Respublikasi Prezidenti Shavkat Mirziyoyevning Oliy Majlis va O'zbekiston xalqiga Murojaatnomasining mazmun-mohiyatini aholining keng qatlamiga yetkazish hamda mamlakatimiz harbiy xavfsizligi va mudofaasini yanada mustahkamlashning ustuvor vazifalariga e'tibor qaratildi.
Tadbirda Respublika Ma'naviyat va ma'rifat markazi rahbari Otabek Hasanov so’zga chiqib, bugun Yangi O'zbekistonda har jabhada amalga oshirilayotgan islohotlar, ularning hayotimizda bo’y ko’rsatayotgan natijalarini e’tirof etdi. bugungi geosiyosiy jarayonlarda eng bebaho ne'mat - tinchlik va xotirjamlikni teran xis etib, tashqi tahdidlar, mafkuraviy hurujlar davrida ma’nan xushyor bo'lib, ma’rifatni mahkam tutish har qachongidan ham muhimligini ta’kidladi.
Uchrashuv davomida yurt yetakchisi tomonidan ziyolilar oldiga qo'yilgan vazifalar yuzasidan ham fikr almashildi. Bu borada bir qator taklif va tashabbuslar ilgari surildi.
