Respublika Ma’naviyat va ma’rifat markazi rahbari Otabek Hasanov Surxondaryo viloyatining Janubi-g‘arbiy maxsus harbiy okrug tasarrufidagi Kakaydi garnizonida xarbiy xizmatchilar bilan uchrashib, u yerda shaxsiy tarkib uchun yaratilgan shart-sharoitlar, ma’naviy-ma’rifiy yo‘nalishda olib borilayotgan tizimli ishlar bilan tanishdi.
Garnizonda tahkil qilingan “Milliy armiya – ona yurt qalqoni, tinchligimiz posboni!” mavzusidagi ma’naviy-ma’rifiy muloqotda Prezidentimiz Shavkat Mirziyoyevning Oliy Majlis va xalqimizga yo‘llagan Murojaatnomasi mazmun-mohiyati, shuningdek, Qurolli Kuchlarimizning jangovar tayyorgarligi, harbiy xavfsizlik va mudofaani yanada mustahkamlashga qaratilgan ustuvor vazifalarga e'tibor qaratildi.
Uchrashuv davomida harbiy xizmatchilar ma’naviyatini yuksaltirish, kitobxonlik madaniyatini oshirish, milliy va umuminsoniy qadriyatlarni targ‘ib etishga qaratilgan tashabbuslar bugungi kunda jamiyat barqarorligi va Vatan himoyachilarining ma’naviy kamoloti uchun g‘oyat muhim ekani alohida ta’kidlandi.
Garnizon hududida barpo etilgan “Adiblar xiyoboni” nafaqat dam olish maskani, balki harbiylar uchun ma’naviy kuch va ilhom manbai sifatida xizmat qilmoqda.
