Muloqot mavzusi mamlakatimizda ma’naviy-ma’rifiy sohada olib borilayotgan islohotlar, ushbu yo‘nalishdagi ustuvor vazifalar hamda hududlarda amalga oshirilayotgan ishlar bo‘ldi. Ishtirokchilar tomonidan ma’naviy-ma’rifiy sohaning bugungi holati, uni yanada rivojlantirish yo‘llari, ayniqsa, yoshlarda milliy g‘urur, vatanparvarlik tuyg‘usini, ma’naviy immunitetni mustahkamlash masalalari bo‘yicha qator taklif va mulohazalar bildirildi.
Ta’kidlanganidek, ma’naviyat, qadriyat va o‘zlik masalalari har qachongidan ham dolzarb bo'lib turgan hozirgi davrda jamiyatni ma’nan uyg‘otuvchi, xalqni ezgu g‘oyalar, ma’rifat va bunyodkorlik sari yetaklovchi ziyolilarning o‘rni beqiyos. Shu bois, olimlar, ijodkorlar va faol ziyolilar bilan doimiy muloqotni yo‘lga qo‘yish, ularning fikr va takliflarini amaliyotga tatbiq etish ma’naviy-ma’rifiy sohani rivojlantirishda g‘oyat muhim.
