Navoiy shahrida “Milliy qadriyatlar atlasi” kitob-albomi hamda qadriyatim.uz platformasining taqdimoti bo‘lib o‘tdi.
Viloyat mutasaddilari, keng jamoatchilik vakillari, ziyolilar, yoshlar hamda harbiy xizmatchilar ishtirok etgan tadbirda milliy madaniyatimiz, urf-odatlarimiz va ma’naviy merosimizni asrash hamda dunyo miqyosida keng targ‘ib qilish bugungi kunning eng muhim vazifa ekani ta’kidlanib, ushbu kitob ana shu ezgu maqsadga xizmat qilishi aytildi.
Shuningdek, ushbu materiallar asosida qadriyatim.uz elektron platformasi va uning mobil ilovasi ishlab chiqilgani, platforma doimiy yangilanib boriladigan, chet ellik foydalanuvchilar va xorijdagi vatandoshlar uchun milliy qadriyatlar, moddiy va nomoddiy madaniy meros haqida bir nechta xorijiy tillarda ma’lumot taqdim etuvchi interaktiv axborot bazasiga aylanishi ma'lum qilindi.
