Namanganda bo‘lib o‘tgan taqdimotda so‘z olganlar kitobni tayyorlash jarayoniga 20 dan ziyod olim, tadqiqotchi jalb qilingani, bir yarim yil davomida ilmiy izlanishlar olib borilgani, hududlardan yig‘ilgan ma’lumotlar, sifatli fotolar jamlanganini alohida ta’kidladilar.
Shuningdek, ushbu materiallar asosida qadriyatim.uz elektron platformasi va uning mobil ilovasi ishlab chiqilgani mazkur platforma chet ellik foydalanuvchilar va xorijdagi vatandoshlar uchun milliy qadriyatlar, moddiy va nomoddiy madaniy meros haqida bir nechta xorijiy tillarda ma’lumot taqdim etuvchi interaktiv axborot bazaga aylanishi ma’lum qilindi.
Anjumanda ishtirok etgan tarixchi, filolog, siyosatshunos, xuquqshunos, san’atshunos, sotsiolog olimlarning ushbu loyihaning ma’naviy qiymatini yuqori baholadilar. Dunyo maydonida Vatanimiz imidjini oshirishda munosib qadam ekanini e’tirof etdilar.
