Toshkent viloyati, Olmaliq davlat texnika institutida “Milliy qadriyatlar atlasi” kitob-albomi hamda qadriyatim.uz elektron platformasining taqdimot marosimi boʻlib oʻtdi.
Ttadbirda viloyat mutasaddilari, oliy ta’lim muassasasi rahbariyati, professor-o‘qituvchilar, talaba-yoshlar, keng jamoatchilik vakillari hamda soha mutaxassislari ishtirok etdi. So‘zga chiqqanlar milliy o‘zligimizni asrash, boy ma’naviy merosimizni avaylab, kelajak avlodga yetkazish va uni xalqaro miqyosda keng targ‘ib etish bugungi davrning dolzarb vazifalaridan biri ekanini alohida ta’kidladilar. “Milliy qadriyatlar atlasi” ana shu ezgu maqsad yo‘lida muhim manba bo‘lib xizmat qilishi qayd etildi.
Shuningdek, mazkur loyiha doirasida yaratilgan qadriyatim.uz platformasi va uning mobil ilovasi milliy qadriyatlarimiz, moddiy va nomoddiy madaniy merosimiz haqidagi ma’lumotlarni jamlagan zamonaviy interaktiv axborot maydoni ekani aytib o‘tildi.
