Xabaringiz bor, jamiyatda kitobxonlikni keng targ‘ib qilish, adabiyotga, she’riyatga mehri baland yoshlarni qo‘llab-quvvatlash, yosh ijodkorlarga ochiq muloqot, ijod uchun qulay platforma yaratish maqsadida Markaz tomonidan “So‘z” loyihasi amalga oshirilmoqda.
Loyiha sabab ko‘plab yosh ijodkorlar kashf etilmoqda. Yangi-yangi ijod namunalari adabiyot ixlosmandlariga yetib bormoqda.
Joriy yilning 13-fevral kuni “Renessans” kino uyida ikki buyuk siymo - Alisher Navoiy va Zahiriddin Muhammad Bobur tavalludi munosabati bilan “So‘z” loyihasining navbatdagi she’riy konsert dasturi bo‘lib o‘tdi. Ushbu adabiy kecha barchamizni So‘z orqali birlashtirgan ikki buyuk shaxs - Alisher Navoiy va Zahiriddin Muhammad Bobur xotirasiga ehtirom ruhida tashkil etildi. Ular qoldirgan bebaho merosda tarannum etilgan yuksak g‘oyalar bugun ham o‘zbek adabiyoti va ma’naviy hayotida yashab kelmoqda. Quvonarlisi, bu ulug‘ an’analarni zamonaviy yosh ijodkorlar munosib davom ettirmoqda.
“So‘z” loyihasi — she’riyat ixlosmandlarini bir maydonga jam etuvchi, qalbdan chiqqan satrlar orqali insonni o‘yga toldiruvchi, ezgulikka chorlovchi muhim ma’naviy maydondir.
