Xabaringiz bor, Respublika Ma’naviyat va ma’rifat markazi qator tashkilotlar bilan hamkorlikda jamiyatda maromiylik madaniyatini shakllantirish maqsadida “Maromiylik” loyihasini amalga oshirmoqda. Shu vaqtga qadar loyiha doirasida qilingan ishlar hamda ikkinchi bosqichda oldinga qo‘yilgan reja va vazifalar haqida Markazning Axborot xizmati rahbari Bahora Ahmedova ma’lumot berdi.
1-bosqichda amalga oshirilgan ishlar:
42 banddan iborat 90 kunlik dastur ishlab chiqildi;
Respublika bo‘ylab 14 hududda 1 156 ta targ‘ibot tadbiri o‘tkazildi;
2 514 nafar targ‘ibotchi uchun o‘quv seminarlari tashkil etildi;
Ixcham to‘ylar bo‘yicha namunaviy tavsiyalar ishlab chiqildi;
Mahallalarda doimiy targ‘ibot mexanizmi yo‘lga qo‘yildi;
To‘y marosimlarini tartibga solish uchun maxsus “Daftar” joriy etildi;
24/7 rejimida ishlayotgan telegram-bot orqali jamoatchilik fikrini o‘rganish tizimi yaratildi;
1 000 dan ortiq ma’rifiy suhbatlar o‘tkazildi;
8 695 ta mahallada ishchi guruhlar shakllantirilib, 500 mingdan ortiq aholi qamrab olindi;
OAV va ijtimoiy tarmoqlarda keng qamrovli axborot targ‘iboti olib borildi.
2-bosqich uchun rejalar:
“Maromiylik” ning yagona ilmiy-metodik asosini yaratish;
Chilonzor tumanida hududiy tajriba-sinov modelini joriy etish;
Yoshlar o‘rtasida so‘rovnomalar, treninglar va ijodiy loyihalarni kuchaytirish;
Raqamli va media formatlarda targ‘ibotni kengaytirish.
“Maromiylik” tashabbusi — bu shunchaki tejamkorlik shiori emas, balki milliy qadriyatlarimizga tayangan, me’yoriy va mas’uliyatli hayot tarzini shakllantirishga qaratilgan muhim ijtimoiy harakatdir.
Siz ham ushbu tashabbusga qo‘shiling!
