ZOOM platformasi orqali AQSH, Qozog'iston, Tojikiston, Qirg'izistonda istiqomat qiladigan vatndoshlar uchun “Ma’rifat” targ‘ibotchilar jamiyati a’zosi, falsafa fanlari doktori Shaxlo Axrorova ishtirokida “Navro‘z qadriyati va uning milliy-ma’naviy mohiyati” mavzusida onlayn suhbat tashkil etildi.
Spiker Shaxlo Axrorova mavzu doirasida milliy an’ana va qadriyatlarning tarixiy-madaniy ahamiyati haqida so‘z yuritdi. Xususan, Navro‘z bayramining insonlar o‘rtasida mehr-oqibat, hamjihatlik va bag‘rikenglikni mustahkamlashdagi o‘rni alohida ta’kidlandi.
Suhbat davomida ishtirokchilarga Navro‘z xalqimizning boy ma’naviy merosini o‘zida aks ettiruvchi muhim bayram ekanligi haqida batafsil ma’lumotlar taqdim etildi. Shuningdek, ular muloqot davomida o‘zlarini qiziqtirgan savollarga javob olib, erkin fikr almashdilar.
Mazkur onlayn uchrashuv Vatandoshlar jamoat fondi hamda “Ma’rifat” targ‘ibotchilar jamiyati hamkorligida tashkil etildi.
