Qo‘ng‘irot tumanida o‘tkazilayotgan “Navro‘z sayli” festivali aholiga chinakam bahoriy shukuh va ko‘tarinki ruh bag‘ishlamoqda. Keng va fayzli maydon rang-barang bezaklar bilan sayqal topib, atrof-muhitda yangilanish va quvonch nafasi sezilmoqda.
🌾 Jarang sochayotgan kuy-qo‘shiqlar, dilbar lapar va yallalar barchani o‘ziga rom etib, yig‘ilganlarga bayramona kayfiyat ulashmoqda. Milliy qadriyatlarimizning ajralmas qismi bo‘lgan sumalak va halim tayyorlanayotgani esa ushbu ayyomga yanada o‘zgacha fayz bag‘ishlayotir.
🌱 Festival maydoni nafaqat hordiq chiqarish, balki xalqimizning boy an’analari, urf-odatlari va mehr-oqibatini namoyon etuvchi go‘zal maskanga aylanmoqda.
🔸Bayram tantanalari O‘zbekiston mahallalari uyushmasi, Respublika Ma’naviyat va ma’rifat markazi, O‘zbekiston Madaniyat vazirligi, O‘zbekiston Yozuvchilar uyushmasi, Yoshlar ishlari agentligi hamda “Ma’rifat” targ‘ibotchilar jamiyati hamkorligida tashkil etilmoqda.
