Olmaliq kon-metallurgiya kombinatida qator tashkilotlar hamkorligida buyuk sarkarda Temur tavalludining 690 yilligi munosabati bilan “Amir Temurning Choch va Iloqdagi faoliyati davrida konchilik va ma’danchilik” mavzusida ilmiy-amaliy anjuman tashkil etildi.
Unda tarixchilar, temurshunos olimlar, shuningdek ma’naviyat va ma’rifat sohasi vakillari ishtirok etib, sohibqiron davridagi iqtisodiy taraqqiyot, ayniqsa konchilik va ma’danchilik sohasining o‘ziga xos jihatlari yuzasidan fikr almashdilar.
Mazkur anjuman — nafaqat tarixiy merosni chuqur o‘rganish, balki yurtimizning boy tabiiy resurslaridan oqilona foydalanish an’analarini anglashga xizmat qiladi.
Ilmiy muhokamalar, yangi qarashlar va amaliy takliflar orqali ishtirokchilar buyuk ajdodlarimiz qoldirgan boy tajriba va bilimlarni zamonaviy yondashuvlar bilan uyg‘unlashtirish imkoniga ega bo‘ldilar.
