Respublika ma’naviyat va ma’rifat markazi rahbari Otabek Xasanov raisligida markaziy apparat, 14 ta hududiy bo‘lim va tuman (shahar) bo‘linmalari hamda tizim tashkilotlari mas’ullari ishtirokida kengaytirilgan yig‘ilish o‘tkazildi.
Kun tartibidan Markaz faoliyatining 2026-yil birinchi chorak tahlili, ijro intizomini mustahkamlash, belgilangan chora-tadbirlar ijrosini sifatli ta’minlash hamda ma’naviy-ma’rifiy sohani yangi bosqichga olib chiqish bo‘yicha ustuvor vazifalar o‘rin oldi.
Shuningdek, yig‘ilishda joriy yil davomida amalga oshirilayotgan ma’naviy-ma’rifiy ishlar tahlil qilinib, mavjud kamchilik va muammolar tanqidiy ruhda ko‘rib chiqildi. Ularni bartaraf etish bo‘yicha aniq chora-tadbirlar belgilab olindi.
Yig‘ilish yakunida barcha hududiy bo‘limlar va tizim tashkilotlari rahbarlariga ijro intizomini qat’iy nazoratga olish, belgilangan topshiriqlarni tizimli ravishda amalga oshirish hamda natijadorlikka erishish bo‘yicha tegishli ko‘rsatmalar berildi.
