Milliy gvardiya, Respublika Ma’naviyat va ma’rifat markazi hamda Yoshlar ishlari agentligi o‘rtasida uch tomonlama hamkorlik to‘g‘risidagi memorandum imzolandi.
Ushbu hujjat 5 yilga mo‘ljallangan bo‘lib, uning doirasida aniq loyihalar, amaliy dasturlar va ustuvor yo‘nalishlar belgilab olindi.
Endilikda mazkur tashkilotlar o‘zaro hamjihatlikda yoshlarning ma’naviy kamoloti, vatanga sadoqati va ijtimoiy faolligini oshirishga qaratilgan keng ko‘lamli ishlarni amalga oshiradi.Mazkur hamkorlik Yangi O‘zbekistonda amalga oshirilayotgan yoshlar siyosatiga yangi ruh bag‘ishlab, kelajak avlodni har tomonlama barkamol, yuksak ma’naviyatli va faol fuqaro sifatida tarbiyalashga xizmat qiladi.
