Xabaringiz bor, kuni kecha davlatimiz rahbari boshchiligida madaniyat va san’at xodimlari bilan sohani yanada rivojlantirishga bag‘ishlangan muhim uchrashuv bo‘lib o‘tdi. Unda belgilangan ustuvor vazifalar ijrosini ta’minlash maqsadida Respublika Ma’naviyat va ma’rifat markazi hamda Maktabgacha va maktab ta’limi vazirligi o‘rtasida amaliy muloqot tashkil etildi.
Yig‘ilish davomida yosh avlodni milliy qadriyatlar, boy tarixiy meros va yuksak ma’naviyat ruhida tarbiyalash masalalariga e’tibor qaratilarkan, istiqboldagi hamkorlik yo‘nalishlari, manzilli loyihalar ko’rib chiqildi.
Ayniqsa, bog‘cha tarbiyalanuvchilari va maktab o‘quvchilarini ma’nan barkamol, Vatanga sadoqatli, milliy o‘zligini anglagan komil insonlar etib voyaga yetkazish bo‘yicha tizimli ishlarni kuchaytirish yuzasidan kelgusi rejalar belgilab olindi.
