Respublika Ma’naviyat va ma’rifat markazi “Ezgulik — shiorimiz, ma’rifat — qurolimiz!” shiori bilan hududlarda mehmon bo‘lmoqda. Navoiy viloyati, Navbahor tumani "Uchtut" mahallasida va Sirdaryo viloyati, Sayxunobod tumani "Ittifoq" mahallasida qizg‘in uchrashuv va madaniy tadbirlar bo‘ldi.
Navoiy viloyatida taniqli olimlar va ziyolilar, el suygan san’atkorlar “Obod va fayzli mahalla – yurt ko‘rki” shiori ostida o‘tkazilayotgan umumxalq xayriya hasharida ishtirok etdi.
Sirdaryo viloyatida esa "Yosh kitobxon" tanlovi g'olibi, "Mard o'g'lon" davlat mukofoti sohibi Yorqinjon Hayitboyevning onasi Buvhilol Erkaboyevaga Respublika Ma’naviyat va ma’rifat markazining “Ma’naviyat fidoyisi” ko‘krak nishoni topshirildi.
