🔰Kinematografiya agentligi, Respublika Ma’naviyat va ma’rifat markazi, O‘zbekiston milliy media birlashmasi bilan birgalikda “Har bir serial – bir missiya” shiori ostida nodavlat telekanallar o‘rtasida serial loyihalari tanlovi o‘tkazildi.
Maqsad aholini ayniqsa, yoshlarni kino san’ati orqali vatanparvarlik tuyg‘ularini yuksaltirish, milliy o‘zlik, qadriyatlarga qaratilgan seriallarni har taraflama qo‘llab-quvvatlashdan iborat.
Bugun mazkur tanlov yakunlari va g‘oliblarini taqdirlash marosimi bo‘lib o‘tdi.
Loyihada qatnashgan 11 ta seriallar ichidan 4 tasi munosib deb topildi va maxsus sertifikat bilan taqdirlandi.
Bular:
1. “Mening yurtim MY5” telekanalining “Piramida”,
2. “ZO‘R TV” telekanalining “Oqqushlar”,
3. “Renessans TV” telekanalining “Va'da”,
4. “Sevimli TV” telekanalining “Qismat o‘yinlari” seriallari.
