MILLIY URF-ODATLAR – millatning turmush tarziga singib ketgan, uning shakllanishi va rivojiga xizmat qiladigan ijtimoiy-madaniy hayotida o‘z aksini topgan, doim takrorlanib turadigan xatti-harakat, ko‘pchilik tomonidan qabul qilingan xulq-atvor qoidalari va ko‘nikmalar ko‘rinishidir.
Milliy urf-odatlar bizning xalqimizda o‘ziga xos o‘zbekona tarixiy xususiyatlarga ega bo‘lib, an’anaviy va zamonaviy ko‘rinishlarda namoyon bo‘ladi.
Milliy urf-odatlar alohida olingan shaxs va millat doirasida shakllanib boradi. Masalan o‘zbeklarda kichiklarning kattalarga salom berishi, erta turib uy-hovlini supurib-sidirib, mehmonlarga alohida izzat-ikrom ko‘rsatish, bayram arafasida betob va qiynalganlar, yordamga
muhtojlar, qariyalar holidan xabar olish shular jumlasidandir.
