Palov pishirish an'anasi va madaniyati 2016-yili YuNESKOning Insoniyatning nomoddiy madaniy merosi reprezentativ ro‘yxatiga kiritilgan.
Palov - o‘zbek oshxonasining eng katta yutuqlaridan biri va aholining sevimli taomi. O‘zbek oshxonasining ko‘p asrlik rivoji davomida palov tayyorlashning o‘nlab usullari paydo bo‘lgan.
Har bir mintaqa o‘ziga xos palov tayyorlash usuliga ega.
O‘zbekistondagi oilalarning aksariyatida nafaqat o‘zbek millati vakillari, balki shu yerda yashovchi boshqa millat vakillari ham hech bo‘lmaganda haftada bir marta (ko‘pincha payshanba kuni) palov tayyorlashadi. Bu o‘ziga xos an'anaga aylangan.
Ma‘lumot: Palov pishirish an'anasi va madaniyati 2016-yili YuNESKOning Insoniyatning nomoddiy madaniy merosi reprezentativ ro‘yxatiga kiritilgan.
