🇺🇿🇹🇷 O‘zbekiston–Turkiya: ma’rifat ko‘priklari yanada mustahkamlanmoqda
Respublika Ma’naviyat va ma’rifat markazida Turkiyaning taniqli olimi va davlat arbobi, “Ma’rifat” targ‘ibotchilar jamiyati faxriy a’zosi Kemal Yavuz Ataman bilan uchrashuv bo‘lib o‘tdi.
Muloqotda Respublika Ma’naviyat va ma’rifat markazi, “Ma’rifat” targ‘ibotchilar jamiyati, Anqara Ijtimoiy fanlar universiteti hamda Turkiya Yozuvchilar uyushmasi o‘rtasidagi hamkorlikni yangi bosqichga olib chiqish masalasi ko‘rib chiqildi.
“Ma’rifat elchilari” — ikki davlat ziyolilarini birlashtiruvchi yangi ko‘prik
Loyiha doirasida O‘zbekiston va Turkiya olimlari, ziyolilari, shoir va yozuvchilari o‘rtasida doimiy muloqot maydonini yaratish, qo‘shma ilmiy-ma’rifiy loyihalar, konferensiyalar, davra suhbatlari va kitob taqdimotlarini tashkil etish bo‘yicha muhim takliflar ilgari surildi.
Shuningdek, O‘zbekiston Respublikasi davlat mustaqilligining 35 yilligi munosabati bilan Turkiyadagi vatandoshlar, ziyolilar va ilmiy doira vakillari ishtirokida ma’naviy-ma’rifiy tadbirlar o‘tkazish hamda “Men tanigan O‘zbekiston” kitobining Turkiyadagi taqdimotini tashkil etish masalalari muhokama qilindi.
Hamkorlik geografiyasi media makonni ham qamrab oladi. AVAZA TV telekanali bilan birgalikda yurtimiz tarixida chuqur iz qoldirgan buyuk allomalar va davlat arboblarining hayoti, ilmiy-ma’naviy merosiga bag‘ishlangan media kontentlar tayyorlash bo‘yicha fikr almashildi.
Eng muhimi, kelishuvlar amaliy rejalar bilan mustahkamlandi. Joriy yil oktyabr oyida “Ma’rifat elchilari” loyihasi doirasida O‘zbekistonlik olim va ziyolilarning Turkiyaga tashrifini tashkil etish rejalashtirilmoqda.
Veb-sayt |Telegram | Facebook |YouTube | Instagram
