Respublika Ma'naviyat va ma'rifat markazining maqsadi
1. Ezgulik va insonparvarlik tamoyiliga asoslangan «Milliy tiklanishdan – milliy yuksalish sari» g'oyasini keng targ'ib etish orqali jamiyatda sog'lom dunyoqarash va bunyodkorlik ruhini umummilliy harakatga aylantirish;
2. milliy ma'naviyatimizning ma'no-mohiyati, ildizlari, noyob va betakror namunalari, uning bugungi kundagi rivojlanish tamoyillari haqida aniq maqsadga qaratilgan izchil, ta'sirli va zamonaviy usul va vositalardan foydalangan holda ilmiy tadqiqot va targ'ibot ishlarini olib borish;
3. vazirlik va idoralar, hududlarda keng aholi vakillari, ayniqsa, yoshlar o'rtasida Vatanga muhabbat va sadoqat, fidoyilik, ularda islohotlarga daxldorlik fazilatlarini tarbiyalash, milliy qadriyatlar, urf-odatlar, muqaddas an'analarimizning hozirgi hayotimizdagi o'rni va ahamiyatini har tomonlama ochib berishga yo'naltirilgan ma'naviy-ma'rifiy tadbirlar o'tkazilishini muvofiqlashtirish;
4. aholi, ayniqsa, yoshlar ma'naviyatiga salbiy ta'sir ko'rsatadigan har qanday ichki va tashqi tahdidlarga qarshi qaratilgan tizimli va zamonaviy tashviqot ishlarini olib borish va boshqalar.
