Muzeyda
Beshinchi sinf bolalari tasviriy sanʼat muzeyiga borishibdi. Qaytishayotganida direktor soʻrabdi:
– Xoʻsh, bolajonlarim, muzeyda yodingizda qoladigan nimadir boʻldimi?
– Boʻldi, boʻldi, – bolalar bir ovozdan javob qaytarishibdi.
– Nima boʻldi?
– Tarona muallimning zinalardan yumalashi.
Qonun
Xotin eriga qarab gʻazab bilan baqiribdi:
– Sizga erga tekkuncha shayton bilan turmush qurganim yaxshiydi.
Er ohista tirjayib javob beribdi:
– Afsus, yaqin qarindoshlar oʻrtasida nikoh tuzilishiga qonun yoʻl bermaydida...
Suhbat
Ikki chukcha yoʻlda suhbatlashib borardi:
– Shu desang, bir kun yoʻlda ketayotganimda 10 dollar topib oldim.
– Xoʻsh, keyin nima qilding?
– Yirtib tashladim.
– Nega axir?
– Soxta edi chunki.
– Qayerdan bilding soxtaligini?
– Axir qayerda koʻrgansan 10 raqamida ikkita nol boʻlganini?
Savol
Kichkintoy Ozar otasidan soʻrabdi:
– Ota, nega 8-mart taqvimda qizil rangga boʻyalgan?
Ota chuqur xoʻrsinib shunday debdi:
– Bu erkak qonining rangi, bolajonim.
Yangi parhez usuli
Oygun Kozimova Roʻyodan soʻrabdi:
–Qanday ozib ketibsan, goʻzalsan, koʻz tegmasin. Yangi parhez usulini topdingmi?
– Aha.
– Xoʻsh, qanaqa ekan u?
– Ildiz, sabzi va kartoshka.
– Nima qilish kerak, qaynatib yeyish kerakmi yo qovurib?
– Yerdan qazib olish kerak.
Deputat
Nofaol, saylovdan keyin koʻrinmay ketadigan deputatlardan biri jonli debatda xalqiga murojaat qilibdi:
– Meningdek deputati boʻlgan xalqning nima kamchiligi bor axir?
Bir qariya orqadagi oʻrindiqdan qichqiribdi:
– Valeryankasi...
Falsafamaniya
Aristotel eshakni ters minib ketayotgan ekan. Shu payt undan “Nega eshakni ters minib olding?” deya soʻrashibdi. “Orqadan kelgan xavf-xatarni koʻrish uchun” debdi. “Mayli-ku, oldindan kelganni-chi?” deya savol berishibdi yana. U shunda “Oldindan kelganni eshak ham koʻra oladi” deya javob qaytaribdi.
Oʻzgarmaydigan haqiqat
Narx-navo xuddi bolaga oʻxshaydi. Bir pasda oʻsib ketaveradi.
Toʻplovchi va tarjimon:
Rahmat BOBOJON
